Pages

Tuesday, March 30, 2010

ശംഖുമുഖം കടല്‍ത്തീരത്തെ ജലകന്യക.

തിരുവനന്തപുരം നഗരത്തില്‍ നിന്നും 8 കി.മീ അകലെ സ്ഥിതിചെയ്യുന്ന ശംഖുമുഖം കടല്‍ തീരത്താണ് ഈ ശില്‍പം സ്ഥിതി ചെയ്യുന്നത് . പ്രശസ്ത ശില്പിയായ കാനായി കുഞ്ഞിരാമന്‍ ആണ് ജലകന്യക എന്ന ഈ ശില്പം നിര്‍മ്മിച്ചത് . ഭീമാകാരമായ ഈ പ്രതിമയ്ക്ക് 35 മീറ്റര്‍ നീളമുണ്ട്.

Friday, March 26, 2010

ഗരുഡന്‍ തൂക്കം എന്ന അനുഷ്ടാനകല

കേരളത്തിലെ ക്ഷേത്രങ്ങളില്‍ നടത്തിവരുന്ന ഒരു അനുഷ്ഠാന കലയാണ് ഗരുഡന്‍ തൂക്കം. ഭദ്രകാളിയെ പ്രീതിപ്പെടുത്തുവാന്‍ വേണ്ടിയാണ് ഗരുഡന്‍ തൂക്കം നടത്താറുള്ളത്. എന്നാല്‍ മുരുകന്‍ ക്ഷേത്രങ്ങളിലും ഇത് നടത്താറുണ്ട്‌. ഗരുഡനായി വേഷം കെട്ടിയ കലാകാരന്റെ മുതുകിലും, കാലിന്റെ പിന്‍ഭാഗത്തുമായി തുളയിടുകയും അതില്‍ കൊളുത്തി പ്രത്യേകം സജ്ജമാക്കിയ തൂക്കച്ചാടുകളില്‍ തൂക്കി. ക്ഷേത്രത്തിന് ചുറ്റും വലം വെയ്ക്കുന്നു.

Tuesday, March 23, 2010

ചരിത്രപ്രസിദ്ധമായ കുണ്ടറ വിളംബര സ്മാരകം


തിരുവിതാംകൂറിന്റെ ചരിത്രത്തിലും കേരളത്തിന്റെ പൊതുവായ ചരിത്രത്തിലും അവിസ്മരണീയമായ സ്ഥാനമുള്ള ചരിത്രപുരുഷനായ ശ്രീ വേലായുധന്‍ ചെമ്പകരാമന്‍ തമ്പി എന്ന വേലുത്തമ്പി ദളവ 1809 ല്‍ കുണ്ടറയില്‍ വച്ച് നടത്തിയ ചരിത്രപ്രസിദ്ധമായ കുണ്ടറ വിളംബരത്തിന്റെ സ്മാരകം ആണ് ഇത്. കൊല്ലം ജില്ലയിലെ കുണ്ടറ ഇളംബള്ളൂരില്‍ ആണ് ഇത് സ്ഥിതി ചെയ്യുന്നത്. ചരിത്രകാരന്മാരില്‍ ചിലര്‍ ഇതിനെ കേരള ചരിത്രത്തിലെ സുപ്രധാനമായ സംഭവമായി പരിഗണിക്കുമ്പോള്‍ മറ്റു ചിലര്‍ മഹാരാജാവിന്റെ അനുവാദം കൂടാതെ പുറപ്പെടുവിച്ച ഇത് വെറുമൊരു പ്രസ്താവന മാത്രമാണെന്ന് തള്ളിക്കളയുന്നു.

കൂടുതല്‍ വാര്‍ത്തകളും ചിത്രങ്ങളും കാണാന്‍ ഇവിടെ ക്ലിക്ക് ചെയ്യുക

Saturday, March 20, 2010

പുലി വരുന്നേ ........... പുലി



കേരളത്തിലെ തനതായ ഒരു കലാരൂപമാണ് പുലികളി. ഈ കലാരൂപത്തിന് ഏകദേശം 200 വര്‍ഷത്തെ പഴക്കമുണ്ട്. ഈ കലാരൂപം അവതരിപ്പിക്കുന്ന കലാകാരന്മാര്‍ അന്നേദിവസം കടുവയുടെ ശരീരത്തിലുള്ളതു പോലുള്ള വരകളും, കടുവയുടെ മുഖവും ശരീരത്തില്‍ വരയ്ക്കുകയും, മുഖത്ത് കടുവയുടെ മുഖം മൂടിയും വെച്ച് വാദ്യമേളങ്ങള്‍ക്കനുസരിച്ച് നൃ്ത്തം വെയ്ക്കുകയും ചെയ്യുന്നു.
ഓണക്കാലങ്ങളിലാണ് ഈ കലാരൂപം അവതരിപ്പിച്ച് വരാറുള്ളത്. എന്നാല്‍ ഇപ്പോള്‍ ഉത്സവങ്ങള്‍ നടക്കുമ്പോളും ഘോഷയാത്രകല്‍ക്കിടയിലും കലാകാരന്‍മാര്‍ ഇത് അവതരിപ്പിച്ചു വരുന്നു. കൊല്ലം ജില്ലയിലെ കൊട്ടിയത്തുള്ള ഒരു അമ്പലത്തിലെ ഉത്സവിതിനു പകര്‍ത്തിയതാണ് ഈ ചിത്രം.

Monday, March 15, 2010

ആകാശം മുട്ടുന്ന റിയാദിലെ കിങ്ങ്ടോം സെന്‍റെര്‍



റിയാദില്‍ സ്ഥിതി ചെയ്യുന്ന കിങ്ങ്ടോം സെന്‍റെര്‍ ആണ് സൗദി അറേബ്യയിലെ ഏറ്റവും ഉയരം കൂടിയ കെട്ടിടം. 311 മീറ്റര്‍ ഉയരമുള്ള ഈ കെട്ടിടത്തിനു 99 നിലകളുണ്ട്.

Friday, March 12, 2010

സര്‍ ശേഷാദ്രി അയ്യര്‍ മെമ്മോറിയല്‍ ലൈബ്രറി, ബാംഗ്ലൂര്‍



ബാംഗ്ലൂര്‍ കബ്ബോണ്‍പാര്‍ക്കിലെ ശേഷാദ്രി അയ്യര്‍ മെമ്മോറിയല്‍ ലൈബ്രറി. മൈസൂരിലെ ദിവാനായിരുന്ന സര്‍ ശേഷാദ്രി അയ്യരുടെ ഓര്‍മയ്ക്കായി 1915 ല്‍ പണി കഴിപ്പിച്ചതാണ് ഇത്. 2.65 ലക്ഷത്തിലധികം പുസ്തകങ്ങള്‍ ഇപ്പോള്‍ ഈ ലൈബ്രറിയില്‍ ഉണ്ട്.

Wednesday, March 10, 2010

കടലിനക്കരെ പോണോരെ.............



കടലിനക്കരെ പോണോരെ............. ആര്‍ത്തിരമ്പുന്ന തിരമാലകള്‍ക്കിടയിലൂടെ ഒരു മുക്കുവന്‍ ഒറ്റയ്ക്ക് ......

Tuesday, March 9, 2010

സൂര്യാസ്തമയം



പരവൂര്‍ പൊഴിക്കരയിലെ സൂര്യാസ്തമയം. 1 വര്‍ഷം മുന്‍പ് എന്റെ സ്നേഹിതന്‍ ദുബായില്‍ നിന്നും വന്നപ്പോള്‍, ഞങ്ങള്‍ കുറച്ചു കൂട്ടുകാര്‍ അത് ആഘോഷിക്കാന്‍ പൊഴിക്കര പോയി. അന്ന് എടുത്തതാണ് ഈ ചിത്രം.

Sunday, March 7, 2010

ചരിത്രപെരുമയോടെ പുനലൂര്‍ തൂക്കുപാലം



കൊല്ലം ജില്ലയിലെ മലയോര പട്ടണപ്രദേശമായ പുനലൂരില്‍; ജില്ലയുടെ സുപ്രധാന നദിയായ കല്ലടയാറിന്റെ ഇരുകരകളെയും ബന്ധിപ്പിക്കുന്ന തൂക്കുപാലം ആണ് പുനലൂര്‍ തൂക്കുപാലം.
1871 ല്‍ ബ്രിട്ടീഷ്‌ സാങ്കേതികവിദഗ്ദ്ധന്‍‍ ആല്‍ബെര്‍ട്‌ ഹെന്‍ട്രിയുടെ മേല്‍ നോട്ടത്തില്‍ രൂപല്‍പനയും നിര്‍മ്മാണവുമാരംഭിച്ച്‌ 1877- ല്‍ പണിപൂര്‍ത്തിയാക്കി 1880 ല്‍ പൊതുജന ഗതാഗതത്തിനായി തുറന്ന് കൊടുത്ത തൂക്കുപാലം, തെക്കേ ഇന്ത്യയിലെ തന്നെ ഇത്തരത്തിലുള്ള ആദ്യ സംരംഭമാണ്.

കാളവണ്ടികള്‍ക്കും, കുതിരവണ്ടികള്‍ക്കും ശേഷം മോട്ടോര്‍ വാഹനങ്ങളും ഈ പാലത്തിലൂടെ ഗതാഗതം നടത്തിയിട്ടുണ്ട്. പിന്നീട് സമാന്തരമായി തൊട്ടടുത്തുതന്നെ പുതിയപാലം വന്നതുകൊണ്ട് ഗതാഗതം മുഴുവന്‍ ആ പാലത്തിലേക്ക് മാറി.

സംസ്കാരികപ്രവര്‍ത്തകരുടെ നിരന്തര ഇടപെടലുകള്‍ക്കും നിരവധി നിവേദനങ്ങള്‍ക്കുമൊക്കെ ഒടുവില്‍ ആര്‍ക്കിയോളജി വകുപ്പ്‌ പാലത്തിന്റെ ഉടമസ്ഥതയേറ്റെടുത്തതോടെ ഇപ്പോള്‍ തൂക്ക്‌ പാലം സംരക്ഷിക്കപ്പെടേണ്ട ഒരു സ്മാരകമാണെന്ന ബോധം നാട്ടുകാര്‍ക്കുമുണ്ടായി.

മനോരമ വെബ്‌സൈറ്റില്‍ ഞാന്‍ എടുത്ത ഈ ചിത്രം കാണാന്‍ ഇവിടെ ക്ലിക്ക് ചെയ്യുക

Friday, March 5, 2010

ബാംഗ്ലൂര്‍ വിധാന്‍ സൗധ



കര്‍ണാടക സംസ്ഥാനത്തിന്റെ നിയമസഭ ആണ് ഇത്. ബാംഗ്ലൂര്‍ സ്ഥിതി ചെയ്യുന്ന ഇത് 1956 ലാണ് പണി പൂര്‍ത്തീകരിച്ചത് . ഇന്ത്യയിലെ ഏറ്റവും വലിയ നിയമസഭ മന്ദിരവും ഇതാണ്.

സൌദിയിലെ ജിദ്ദ ഫൌണ്ടന്‍



ജിദ്ദ ഫൌണ്ടന്‍ അഥവാ കിംഗ്‌ ഫഹദ്‌ ഫൌണ്ടന്‍ ലോകത്തിലെ ഏറ്റവും വലിയ ഫൌണ്ടന്‍ ആണ്. ഗിന്നസ്‌ ബുക്കില്‍ ഇതിന്റെ പേരുണ്ട്.സൗദി അറേബ്യയിലെ ജിദ്ദയിലാണ് ഇത് നില്‍ക്കുന്നതു. ചെങ്കടലില്‍ നിന്നും 260 മീറ്റര്‍ ഉയരത്തിലെക്കാന് ഇത് വെള്ളം ജെറ്റ്‌ ചെയ്യിക്കുന്നത് . 1985 ലാണ് ഇത് പ്രവര്‍ത്തനം തുടങ്ങിയത്. ഇത് കാണാന്‍ വേണ്ടി നിരവധി ആളുകള്‍ ഇവിടെ എത്താറുണ്ട്. കഴിഞ്ഞ ഡിസംബര്‍ മാസത്തില്‍ ഞാന്‍ ജിദ്ദ സന്ദര്‍ശിച്ചപ്പോള്‍ എടുത്തതാണ് ഈ ചിത്രം.

Wednesday, March 3, 2010

ഇന്ത്യന്‍ ക്രിക്കറ്റ് പുലികള്‍



2007 ഒക്ടോബര്‍ 2 , കൊച്ചി ജവഹര്‍ലാല്‍ നെഹ്‌റു മൈതാനത്തു ഇന്ത്യന്‍ ക്രിക്കറ്റ് കളിക്കാര്‍ പരിശീലനം നടത്തുന്നതാണ് ഇത്. ഒക്ടോബര്‍ 1 നു രാത്രി കൊല്ലത്ത്‌ നിന്നും വണ്ടി കയറി, ഉറങ്ങാതെ ഇന്ത്യ - ഓസ്ട്രേലിയ ക്രിക്കെറ്റ് കാണാന്‍ കൊച്ചിയിലെത്തിയതാണ് ഞങ്ങള്‍ 3 കൂട്ടുകാര്‍ . ഇതൊക്കെ കണ്ടപ്പോള്‍ ഭയങ്കര ആവേശമായിരുന്നു ഞങ്ങള്ക്. എന്തൊക്കെ ആയിരുന്നു ഓട്ടം, ചാട്ടം, ഡൈവിംഗ് ..... എന്നാല്‍ അവസാനം "പവനായി ശവമായി" . 84 റണ്‍സിനു ഓസ്ട്രലിയയോടു ഇന്ത്യ തോറ്റു തൊപ്പിയിട്ടു.

Tuesday, March 2, 2010

ചമ്പക്കുളം വള്ളം കളിയിലെ ചുണ്ടന്‍ വള്ളം.



കേരളത്തിന്റെ പ്രധാന സാംസ്കാരിക ചിഹ്നങ്ങളിലൊന്നാണ് ചുണ്ടന്‍ വള്ളം. അമരക്കാരന്റെ കീഴില്‍ നാല് പ്രധാന തുഴക്കാര്‍ കാണും. ഇവര്‍ നാലു വേദങ്ങളെ പ്രതിനിധാനം ചെയ്യുന്നു. 12 അടി നീളമുള്ള തുഴക്കോല്‍ കൊണ്ട് ഇവരാണ് വള്ളത്തിന്റെ ഗതി നിയന്ത്രിക്കുക. ഇവര്‍ക്കു പിന്നിലായി ഒരു വരിയില്‍ രണ്ടുപേര് എന്നവണ്ണം 64 തുഴക്കാര്‍ ഇരിക്കുന്നു. 64 കലകളെയാണ് ഇവര്‍ പ്രതിനിധാനം ചെയ്യുന്നത്. ചിലപ്പോള്‍ 128 തുഴക്കാര്‍ കാണും. അവര്‍ വഞ്ചിപ്പാട്ടിനൊത്ത് താളത്തില്‍ തുഴയുന്നു. സാധാരണയായി 25 പാട്ടുകാര്‍ കാണും. വള്ളത്തിന്റെ നടുവില്‍ 8 പേര്‍ക്ക് നില്‍ക്കുവാനുള്ള സ്ഥലമുണ്ട്. എട്ടു ദിക്കുകളുടെയും രക്ഷകരായ അഷ്ടദിക്‍പാലകരെയാണ് ഇവര്‍ പ്രതിനിധാനം ചെയ്യുന്നത് എന്നാണ് ഐതിഹ്യം.

ചമ്പക്കുളം വള്ളംകളി നടക്കുമ്പോള്‍ രണ്ടു പാമ്പുകള്‍



ചമ്പക്കുളം വള്ളംകളി, ചമ്പക്കുളം നിവാസികള്‍ക് ആഖോഷമാണ്. വള്ളം കളി ദിവസം രണ്ടു പാമ്പുകള്‍ വള്ളം തുഴയുന്നതാണ് ഈ ചിത്രം. കുറച്ചു സമയം കഴിഞ്ഞപ്പോള്‍ രണ്ടിനെയും കായലില്‍ മുങ്ങിത്തപ്പി എടുത്തു എന്നത് ഒരു വാസ്തവം.

കൊല്ലം ബീച്ചിലെ ജലകന്യക


കൊല്ലം ബീച്ചിലെ ജലകന്യക. ആരും നോക്കാനില്ലാതെ കിടന്ന കൊല്ലം ബീച്ച് ഇപ്പോള്‍ കുറെ പരിവര്‍ത്തനങ്ങള്‍ ഒക്കെ വരുത്തി മോടി പിടിപ്പിച്ചു . ഇപ്പോള്‍ ബീച്ച് കാണാനായി ആളുകള്‍ വരുന്നുണ്ട്. ഇത് പോലെ എന്നും സൂക്ഷിച്ചാല്‍ കൊള്ളാം .........

മരമടി



മരമടി എന്ന ഈ വിനോദം നാട്ടിന്‍പുറങ്ങളില്‍ നിന്നും അപ്രത്യക്ഷംയിക്കൊണ്ടിരിക്കുകയാണ് . വിളവെടുപ്പ് കഴിയുമ്പോള്‍ പണ്ട് കാലങ്ങളില്‍ നാട്ടിന്‍പുറങ്ങളില്‍ ഇത് നടന്നിരുന്നു. ഇത് കഴിഞ്ഞ വര്ഷം ഓണത്തിന് പുളിയിലയില്‍ നടന്ന മരമടി മത്സരത്തിനിടയില്‍ ഞാന്‍ പകര്‍ത്തിയതാണ്.

ഗുരുവായൂര്‍ വലിയ കേശവന്‍

ഗുരുവായൂര്‍ വലിയ കേശവന്‍ കൊട്ടിയം ഗജമേളക്കു എത്തിയപ്പോള്‍ . അവന്റെ തലയെടുപ്പ് ഒന്ന് കാണണം. മറ്റുള്ള ഗജവീരന്മാര്‍ എത്ര ശ്രമിച്ചാലും അവന്റെ തലയെടുപ്പിനെ തോല്‍പ്പിക്കാന്‍ ആകില്ല. കണ്ടില്ലേ അവന്റെ ഒരു നില്‍പ്പ്.


 

Blog Archive

Powered by Blogger.
Related Posts Plugin for WordPress, Blogger...

എന്റെ യാത്രക്കിടയില്‍ ചിലപ്പോളൊക്കെ ഞാന്‍ ഒപ്പിയെടുക്കുന്ന ചിത്രങ്ങള്‍. അഭിപ്രായങ്ങള്‍ പറയണേ കൂടുകാരെ.

ജാലകം

Malayalam Blog Directory